Хидротермален и медицинско рехабилитационен центар Банско

Цар Самуил

Термо-минералните води од природното лекувалиште бања Банско, односно комплексот Цар Самуил имаат уникатни особености и терапевтски ефекти.

Пред сѐ, тие припаѓаат во групата на натриумско – сулфурни, алкални и азотни води кои во себе содржат ретки минерали. Понатаму, ова е најтоплиот термален извор во земјава, со температура и до 73 степени, од голема длабочина и без атмосферски влијанија. Најпосле, лекувачките можности на термо-минералните води се користат уште од римско време, односно од III век.

Поради овие карактеристики, водите од Цар Самуил бања Банско може да помогнат при лекување на следниве состојби и заболувања:

• Сите невролошки болести

• Сите ревматски состојби

• Ишијалгија и полиартрит

• Гинеколошки заболувања

• Заболувања на дишните органи

• Болести на органите за варење

• Заболувања на срцето и крвните садови

• Хормонални нарушувања и алергии

• Рехабилитација по скршеници на долгите коски

• Рехабилитација по прележан хепатит